தேவையான பொருட்கள்:
தக்காளி – ¼ கிலோ
பூண்டு – ஒரு முழு பூண்டு (50 கிராம்) தோல் உரித்து எடுத்து கொள்ளவும்
புளி – ஒரு கோலி குண்டு அளவு
காய்ந்த மிளகாய் – 6
வெள்ளம் – ½ டேபிள் ஸ்பூன்
நல்லெண்ணெய் – ¼ கப்
கடுகு – 1 ஸ்பூன்
வெந்தய பொடி – ¼ டீ ஸ்பூன்
தனியா பொடி – ¼ டீ ஸ்பூன்
பெருங்காய பொடி - ¼ டீ ஸ்பூன்
கல் உப்பு – 2 ஸ்பூன்
செய்முறை:
தக்காளியை சிறு துண்டுகளாக அரிந்து வைத்து கொள்ளவும்.
அடுப்பில் ஆலகரண்டியை வைத்து சூடானவுடன் வெந்தய பொடி, தனியா பொடி, பெருங்காய பொடி மூன்றையும் ஆலகரண்டியில் போட்டு வறுத்து தனியே எடுத்து வைத்து கொள்ளவும்.
வரமிளகாயை மிக்சியில் அரைத்து பொடி செய்து கொள்ளவும். அதனுடன் வறுத்து வைத்துள்ள (வெந்தய பொடி, தனியா பொடி, பெருங்காய பொடி) மூன்று பொடிகள் கலவையையும் சேர்த்து மீண்டும் பொடியாக அரைத்து எடுத்து வைத்து கொள்ளவும்.
புளி, அரிந்து வைத்த தக்காளி துண்டுகள், உப்பு இவற்றை மிக்சியில் சேர்த்து அரைத்து எடுத்து கொள்ளவும்.
வாணலியை அடுப்பில் வைத்து நல்லெண்ணெய் விட்டு சூடானவுடன் கடுகை போட்டு தாளிக்கவும், கடுகு வெடித்தவுடன் தோல் நீக்கப்பட்ட பூண்டு சேர்த்து பொன் நிறமாக பூண்டு மாறும் வரை வதக்கி கொள்ளவும்.
பூண்டு நன்கு வதங்கியவுடன், மிக்சியில் அரைத்து வைத்துள்ள புளி, தக்காளி கலவையை சேர்த்து ஐந்து நிமிடம் வரை வதக்கி கொள்ளவும், பூண்டு, தக்காளி, புளி நன்கு வதங்கியவுடன் அதனுடன் அரைத்து வைத்துள்ள மிளகாய், வெந்தய பொடி, தனியா பொடி, பெருங்காய பொடி கலவையையுடன் வெள்ளம் சேரத்து எண்ணெய் பிரியும் வரை வதக்கவும்.
இட்லி, தோசைக்கு தொட்டு கொள்ள சுவையான தக்காளி தொக்கு தயார். தக்காளி தொக்கை ஆற வைத்து காற்று புகாத ஜாடியில் வைத்து கொள்ளவும், நீண்ட நாட்கள் கெடாமல் இருக்கும்.
முந்தைய பதிவுகள்
சமூக ஊடகங்களில் பின் தொடர
-----------------------------------------------
- தமிழர் டைம்ஸ்
- மாணவர் டைம்ஸ்
- மகளிர் டைம்ஸ்
- இளைஞர் டைம்ஸ்
- டைம்ஸ் உலகம்
- ஹெல்த் டைம்ஸ்
- டெக் டைம்ஸ்
- சினிமா டைம்ஸ்
- வணிகர் டைம்ஸ்
- சுற்றுலா டைம்ஸ்
- நகைச்சுவை டைம்ஸ்
- டிரெண்ட்ஸ் டைம்ஸ்
- கோல்டன் டைம்ஸ்
- கிரைம் டைம்ஸ்
- உங்கள் டைம்ஸ்
- லோக்கல் டைம்ஸ்
- தொடர்புக்கு
-------------------------------------------------------